NY RANTSANA DIMY
Samy manana ny heviny, hono, ny rantsana dimy, toy izao : Hoy ny ankihikely : « Noana aho izany »,
Namaly kosa ny manaraka hoe : “ Noana ka no tsy mangalatra?”
Fa hoy kosa ny manaraka: “ Mangalatra ka tsy very?”
Dia hoy ny fanondro: “Very ka tsy avotana”
Fa hoy kosa ny ankihibe : “Hihatakataka aho fa olon-dehibe”. Izany hono, no nampisaraka ny rantsana ho dimy sy nahatonga azy ho lava sy fohy. Ny ankihikely no kely dia noana lalandava; ny manarakaraka sy ny fanondro no fohy dia botrin’ny sain-dratsiny, ary ny ankihibe sy ny tondro ampovoany no lava sy lehibe, noho ny hamarinany.
